هل الجزر يقوي النظر؟
(زمان قالو الجزر أكله يقوّي النظر)
جملة أتربينا عليها ورددناها كتير في أغنية قديمة لحد ما بقت عند ناس كتير حقيقة مسلَّم بيها
لكن هل الجزر فعلًا بيحسّن النظر؟ وهل لو أكلنا منه أكثر ممكن نستغنى عن النظارة؟
هل الجزر يقوي النظر؟
الجزر مفيد لصحة العين لأنه غني بـالبيتا كاروتين، وهي مادة بيحولها جسمنا لفيتامين أ و الفيتامين ده بيساعد الشبكية أنها تؤدي وظيفتها خصوصًا في الإضاءة الضعيفة وكمان بيساهم في الحفاظ على صحة سطح العين وترطيبه.
لكن الجزر مش بيعالج قصر النظر أو طول النظر أو الاستجماتيزم ومش بيقلل احتياجك للنظارة
وحتى لو جسمك واخد كفايته من فيتامين أ الزيادة في أكل الجزر مش هتخليك تشوف أحسن.
وكمان الجزر مش لوحده المسؤول عن تغذية العين الأكل المتوازن والمتنوع اللي فيه بروتينات وخضراوات ورقية وبيض ومنتجات ألبان بيساعدك تحصل على عناصر مهمة لصحتة عنيك وجسمك.
استمتع بالجزر كجزء من أكلك الصحي وجزء مهم في طبق السلطه لكن لو لاحظت زغللة أو تغيير في النظر لازم تعرف السبب بالكشف.
اقرأ أيضا: الفرق بين الحزن والاكتئاب؟
